merry christmas

مكتوب عليا الحلم

مكتوب عليا الحلم احلم بيه اقوم فرحان يقوم يمشى

مكتوب عليا اخون واحدة ماتعرفنيش  فمتغرشى

وماعرفهاش ومعرفش بحبها ليه وان فكرت فى عينيها بتفرح ليه بتحزن ليه مبعرفشى

 

 و ان قررت حقيقى وانساها مابقدرشى

 

 واقول مكتوب واقرر اتوب واقول اتقل بلاش اكتب اقوم اكتب و متقلشى

 

 واسمع جوه منى حاجات تتقال تفرحنى و تتعبنى تبكينى وتسعدنى ووسط الزحمة بين الضحكة و الدمعة الاقينى بطلع طاقة مكبوتة عشان خاطر كلام فى الاصل متقلشى

 

 اقولك كلمة من الاخر يا فكرة عايشة جوايا متتشافشى

 

 اكيد قلبى وقع فيكى عشان حاسس ما بيشوفشى وطلبه بسيط يغير امتي يغير ازاى وامتي يحس بالنشوة يسهرنى و مينامشى

 

 وامتي لما يوم ازعل يواسينى فمزعلشى

 

ومن حلمى ماختدش غير قرار واحد انام تانى و اقرر انى محلمشى

 

محمد كمال

23/12/2011

قهوه ليالي زمان

متشكر

منى : شكلك كدة خول

الزبون : طب متشكر

الساحر

بيقول لك يا بيه كان ايام الاغريق و الحضارات البشرية كان في جماعة عملوا تحدي مع واحد ساحر فهو غلبهم و بعدين مفترض يحكم عليهم فقال لهم انا مش هاقتلكم بس انا هاسخطكم مخلوقات محدش يعرفها ابدا و هاحط السحر اللي يرجعكم تاني بني ادمين في مغارة و هارسم لها خريطة و الخريطة دي هاحطها في طيز واحد فيكم دوروا عليها و اما تلاقوها هتوصلوا المغارة و تفكوا السحر و ترجعوا بني ادمين تاني


عشان كدة يا استاذ الكلاب ماشية تشم في طياز بعضها يمكن يلاقوا الخريطة

شعبان الحلاق - سنة 1997

حكايات البرج 2

ياريت الناس وهي بتشد الستاير تشد بالراحه علشان البلابل متتكسرش لان دين ام البلابل دي لو اتكسرت انا مش حركب غيرها وحسيبكم في الشمس 

 

حكايات البرج 1

هو بيشخرلك ليه يا صبحي؟؟

ده صاحب مصنع يا هندسه 

هو علشان صاحب مصنع يشخرلك!!!!

زي حسين

الواد حسين ده طالع ميتينه طول النهار

انت كنت زيه كده لما كنت في الصيانه!!!

طب كنتم بتاكلم ازاي؟؟

زي حسين

طيب كنتم بترتاحم فين؟؟

في نفس المكان اللي بيرتاح فيه حسين

طيب بتغيرو هدومكم فين؟؟

مع حسين

هو ايهاب كان بيبهدلك في الشغل؟؟

انا وحسين

وانت ايه بقي اللي خلاك تسيب حسين؟؟

انا تعبت ومش قادر اكمل الله يباركله بقي حسين حيكمل لوحده


الرب مع حسين

زرطه اليوم

بيقولك ان خلاص من هنا ورايح بتوع حقوق الانسان حيبتدو ينزلوا الشوارع ويسألوا الناس عن اللي هما عاوزينه تقدر بقي انت تشتكي براحتك وتقول اللي نفسك فيه رغم ان انا متاكد ان بتوع المنظمه دي عارفين الانسان عايز ايه بس ماشي خليهم يحللوها ويعملو بلقمة عيشهم علي الله تيجي بفايده

خضر العطار... غرفه علي سطح بيت الفن النوبي

للناس اللي مش عارفه خضر العطار وعايزه تجيب شريط ليه وتسمعه وتعرفه احب اقولها الخطوات الصحيحه للحصول علي الشريط

اولا لازم تتأكد من مواعيد افلام الجزويت من الراجل اللي قاعد علي الباب مش من عماد مبروك لان عماد مبروك بقي بيهيس وبيضرب مواعيد افلام غلط

ثانيا متحطش امل كبير انك ممكن تلاقي النادي النوبي العام بيبيع شرايطه ، الناس هناك متفرغه لكيفيه القضاء علي كابتن كيكو لانه بيبيض علي احمد الدابودي اللي خد مركز اول عالم في السباحه بالزعانف (وهي رياضه مش اوليمبيه علي فكره) ومش راضي يخليه يبدأمشواره التدريبي،بصراحه انا شايف ان مش شرط علشان اخدت أول عالم يبقي لازم أدرب ، التدريب ليه ناسه وكابتن كيكو فعلا أهل لذلك .

ثالثا لازم تكون بتحب تشرب إجي كول لأنك وانت واقف في النادي النوبي العام مستني الاستاذ ناصر عقيد يحل مشكله كيكو وأحمد الدابودي ده الحاجه الوحيده اللي ممكن تتسلي بيها وتصبرك علي الوقفه

رابعا متروحش النادي وانت معاك محامي جوربتي وتطلب منهم انك  تعمل استماره عضويه ليك وليه ده بيزعل استاذ ناصر عقيد وبيزعل ناس تانيه جو النادي برده .

خامسا لو اي شخص سخيف قالك انك ممكن تنزل اغاني خضر العطار من النت وتعملها علي اسطوانات متسمعش كلامه وخليك واثق في نفسك خضر العطار مش بتاع اسطوانات خضر العطار بتاع شرايط كاسيت وعلي راي المثل " اللي يقولك قتل واللي يقولك قتل ودفن في بير السلم واللي يقولك قتل وأكل ..عيال وسخه"

سادسا لو فشل حوار النادي النوبي العام متترددش روح كوم الدكه مباشره ( عارف ان كوم الدكه كيتش نيك بس ده المتاح )

سابعا متبقاش ساذج وتقعد علي دكة الدراويش وتسال هناك علي شرايط خضر لان كل اللي قاعدين علي القهوه منافسين لخضر ومحدش حيدلك خصوصا انك لسه معاك المحامي الجوربتي

ثامنا وانت في كوم الدكه اعرف ان كلمه السر ومفتاح الحياه هناك هو عبده شرف اي حد يوقفك يستفسر منك انت رايح فين رايح لمين قوله عبده شرف لو عايز تشتري حاجه عايزإيجار جديد في كوم الدكه برده حاول تجيب سيره عبده شرف في سياق الكلام ووريهم رقم موبايله دليل علي المعرفه الوثيقه

تاسعا لو حد قالك ان استاذ أحمد عبيد راجل مزاجنجي وبيحب يقعد مع الفنانين صدقه هو حيدلك رغم كل المشغولات الذهبيه اللي بيرتديها ورغم الكلب الضخم اللي مربيه  وحتي لو شوفته قفل المطواه وحطها في جيبه أساله بابتسامه عريضه " اجيب شرايط كاسيت خضر العطار منين"

عاشرا اسمع كلام احمد عبيد وروح عند فلفل اللي في محطه مصر في ضهر المدهش بتاع الكشري وهات الشرايط النوبي اللي انت عايزها وتأكد من حاجتين ان السلفيين عمرهم ما حيوصلو لكوم الدكه واعرف ان فلفل بتاع شرايط الكاسيت معندهوش اي شرايط كاسيت للفنان علي كوبان

إجي كول : شاي بلبن

جوربتي : يعني ابن عرب مش نوبي 

حنسمع دنيا غريبه دلوقتي وهي من شريط دنيا غريبه بمصاحبه فرقه علي كوبان

دنيا غريبه.wav

دخان حشيش

ينتشر الدخان من حولي ليختفي المشهد تماما ويكاد ان يكون من المستحيل ان اري بوضوح ما يجري حولي ,من المؤكد ان القارئ المصري لهذه الكلمات سيظن اني اتحدث عن الوضع السياسي للوطن الان,ولكني اتحدث عن غرفتي وليس وطني واتحدث عن دخان الحشيش الذي يغذي راسي علي هيئة انفاس تتوالي ولا ادري هل الرؤية اصبحت غير واضحة جراء كثرة الدخان ام جراء مفعول المخدر الذي يسيطر علي اوصالي يجعلني اتباطئ في اتخاذ اي قرار وتمر الدقائق كالساعات,عجبا من تشابه الموقفين فلا يري المصريون الموقف جيدا الان ولا احد يعرف ما هو السر وراء ذلك ,هل هو التواطؤ السياسي الذي يجعلنا كارخص دمية في يد من يريد ان يتلاعب بنا او يحاول ان يهرب بجرائمه او حتي ان ينتقم من كل مصري قال لا ,لن اسكت علي هتك عرض بلادي.

ام السبب وراء انعدام الرؤية هو الجهل السياسي والنقص في معدل الانتماء جراء الشعور بالجوع والعجز هو ما يجعلنا ننقسم الي عدة فرق ويضيع المجهود والوقت في قضايا عبثية تبدا باسم معرفة ثم نجعل كلمة" اولا "ملتصقة بها

استطعت التمييز من بين طبقات الدخان السميكة العود القديم الذي يذكرني بالايام الجميلة قبل ما يصبح ليس له تاثير علي نفسيتي وينتصر عليه الحشيش ويصبح هو الوحيد القادر علي وضعي علي طريق نسيان الهموم ,وعندما نظرت اليه تذكرت كل مصري ينظر الي ميدان التحرير ويتذكر الايام الاولي للثورة عندما كان المصريون يزرعون ياسمين الحرية.

"ايه الدماغ الجامدة دي" اندفعت تلك الكلمات مني عندما تنبهت لتلك التشابهات المتتالية ,ابتسمت ابتسامة بلهاء وتناولت كوب من الماء لتبريد جوفي من الدخان الساخن المتتالي وقررت بيني وبين نفسي قرار العمر

اني لن اشرب حشيش الا من هذه النوعية.

فتاة البوريفاج

انعكس ضوء القمر الخافت علي مياه شاطئ البوريفاج بمدينة الاسكندرية ليتناغم مع النسمة المنعشة لتلك الليلة الرمضانية الجميلة جعلتني احاول ان استمتع بكل لحظة هادئة وقمت باستغلال فرصة خلو الشاطئ في هذا الشهر الكريم لكي اقضي ليلتي في تناول اقداح الشاي الدافئ ومتحدثا بين الحين والحين مع صديقي الاسمر اللون والاخر ذو الشارب المميز الذي يرتدي نظارة تتواري خلفها عيون لها نظرة مميزة ليس لها مثيل.وعندما بدا الملل في التسرب الينا ذهب صديقي ذو الشارب المميز لكي يحضر لنا لعبة"الدومينو"وبعد تجاهل محاولات صديقي الاسمر في تعليمنا لعبة جديدة تلعب بقطع الدومينو قررنا البدء في اللعب بالطريقة التقليدية وعندئذ فقط رن الهاتف الجديد لصديقي ذو الشارب المميز معلنلا عن بدء مكالمة من النوع الرومانسي الطويل وفي هذه الاثناء قررنا انا وصديقي الاسمر البدء في اللعب بمفردنا وفي نفس الوقت سمعنا صوتها كالهمس نظرنا في وقت واحد الي الطاولة المجاورة لنا والتي كان يجلس عليها شاب وفتاة محجبة يتحدث جسدها بكل لغات العالم وقررنا ان نتسلي اثناء اللعب بمتابعتهم عن كثب .لم ندرك حينها ان المشهد سيكون اكثر عمقا من مجرد اثنين من العشاق اختاروا مكانا هادئا وجميلا بعيدا عن الناس,ولكن مشهد اقتراب وجه الشاب من وجه الفتاة جعلنا ندرك اننا امام بداية مشهد من العلاقة الحميمة بلا ادني شك فتصنعنا اننا مندمجين في لعب تلك اللعبة السخيفة ولكن حواسنا انا وصديقي الاسمر تتابع يد الشاب وهي تتفحص بعناية جسد الفتاة وعينان الفتاة تذوب في جفونها لتعلن انها اصبحت في الجانب الاخر من العالم وساعدها علي ذلك "الشيزلونج" التي كانت تجلس عليها او بمعني ادق نائمة فوقه في الوصول بسهولة الي العالم الاخر ,اثناء ما كان الشاب الطويل عريض المنكبين يتذوق طعم شفاة حبيبته كانت تدور معركة بداخل صدر صديقي ذو الشارب المميز الذي فضل ان ينهي مكالمته الرومانسية ليتابع هذا المشهد عن كثب مثلنا الذي كان بين ناريين اما ان ينفجر في وجه هذا الشاب المتبجح او يتابع هذا المشهد الي النهاية ولكن انحناء الفتاة علي صدر الشاب انهي تلك المعارك وقرر ان ينضم الي مقاعد المتفرجين,لحظات تمر والاوضاع لا تتكرر بالنسبة للعاشقين فاما هي بداخل احضان حبيبها واما هو يتجرع عسل شفتاها بكل شغف,تتلاحق انفاسهما ليهيئ لنا ان صوت انفاسهما اعلي من صوت ارتطام مياه البحر بجوانب الجسر الذي يمر بعمق داخل المياه حيث الهدوء والظلام وعندما اعلنت انني الفائز علي صديقي الاسمر في "فورة الدومينو"كان الشاب والفتاة يلملمان انفسهم لمغادرة المكان تاركين "الشيزلونج "الخاص بالفتاة يشع حرارة هذا ما نطق به صديقي ذو الشارب المميز وهو يحضره ليجلس عليه وتناولنا اطراف الحديث سويا وعندما قرر ذو الشارب المميز ان يكمل مكالمته الرومانسية جلس صديقي الاسمر علي "الشيزلونج"ولكنه عثر صدفة علي "دبوس طرحة"الخاص بتلك الفتاة.وانتهي يومي ككل يوم ولكن عقلي مازال مشغولا بفكرة واحدة,كيف جلس صديقي ذو الشارب المميز علي ال"شيزلونج"ولم يشعر بالدبوس الخاص بفتاة البوريفاج

بقلم:اراجوز